கண்டேன் என் கண்குளிர / Kanden En Kankulira
கண்டேன் என் கண்குளிர கர்த்தனையின்று
கொண்டாடும் விண்ணோர்கள் கோமானைக் கையிலேந்திக்
கண்டேன் என் கண்குளிர
1
பெத்தலேம் சத்திர முன்னணையில்
உற்றோருக் குயிர்தரும் உண்மையாம் என் ரட்சகனைக்
கண்டேன் என் கண்குளிர கர்த்தனையின்று
கொண்டாடும் விண்ணோர்கள் கோமானைக் கையிலேந்திக்
கண்டேன் என் கண்குளிர
2
தேவாதி தேவனை தேவசேனை
ஓயாது தோத்தரிக்கும் ஒப்புநிகர் அற்றவனைக்
கண்டேன் என் கண்குளிர கர்த்தனையின்று
கொண்டாடும் விண்ணோர்கள் கோமானைக் கையிலேந்திக்
கண்டேன் என் கண்குளிர
3
பாவேந்தர் தேடிவரும் பக்தர் பரனை
ஆவேந்தர் அடிதொழும் அன்பனை என் இன்பனை நான்
கண்டேன் என் கண்குளிர கர்த்தனையின்று
கொண்டாடும் விண்ணோர்கள் கோமானைக் கையிலேந்திக்
கண்டேன் என் கண்குளிர
4
முத்தொழிற் கர்த்தாவாம் முன்னவனை
இத்தரை மீட்க எனை நடத்தி வந்த மன்னவனைக்
கண்டேன் என் கண்குளிர கர்த்தனையின்று
கொண்டாடும் விண்ணோர்கள் கோமானைக் கையிலேந்திக்
கண்டேன் என் கண்குளிர
5
மண்ணோர் இருள் போக்கும் மாமணியை
விண்ணோரும் வேண்டிநிற்கும் விண்மணியைக் கண்மணியைக்
கண்டேன் என் கண்குளிர கர்த்தனையின்று
கொண்டாடும் விண்ணோர்கள் கோமானைக் கையிலேந்திக்
கண்டேன் என் கண்குளிர
6
அண்டினோர்க் கன்புருவாம் ஆரணனை
கண்டோர்கள் கலி தீர்க்கும் காரணனை, பூரணனைக்
கண்டேன் என் கண்குளிர கர்த்தனையின்று
கொண்டாடும் விண்ணோர்கள் கோமானைக் கையிலேந்திக்
கண்டேன் என் கண்குளிர
7
அன்னையாம் கன்னியும் ஐயனுடன்
முன்னறி யாப்பசுவின் புல்லணையில் உன்னழகைக்
கண்டேன் என் கண்குளிர கர்த்தனையின்று
கொண்டாடும் விண்ணோர்கள் கோமானைக் கையிலேந்திக்
கண்டேன் என் கண்குளிர