பலத்தினாலும் அல்ல | Balathinaalum Alla / Balaththinaalum Alla

பலத்தினாலும் அல்ல பராக்கிரமத்தாலும் அல்ல
உம் ஆவியாலே எல்லாம் ஆகிடும்
அன்பரே உந்தன் பாதம் அண்டி நான் வந்துவிட்டேன்
உம் ஆவியாலே அபிஷேகியும்

1
குறைகளை மறைப்பவன் வாழ்வடையான்
அறிக்கையைச் செய்கிறவன் தாழ்வடையான்

பரிசுத்தனாகவே நான் வாழ்ந்திடவே
பாவியாம் என்மேல் இரங்கிடுமே
பரிசுத்தனாகவே நான் வாழ்ந்திடவே
பாவியாம் என்மேல் இரங்கிடுமே

2
சுயமாக நான் ஒன்றும் செய்யாமலே
நிதானித்து உந்தன் சித்தம் செய்திடவே

சமர்ப்பித்து உந்தன் பாதம் அடிபணிந்தேன்
ஆவியால் மறுரூபம் ஆகிடுவேன்
சமர்ப்பித்து உந்தன் பாதம் அடிபணிந்தேன்
ஆவியால் மறுரூபம் ஆகிடுவேன்

3
எதிரியாம் பிசாசை நான் வீழ்த்திடவே
நீர் ஜெயித்தது போல ஜெயித்திடவே

வசனத்தில் நிலைத்திடச் செய்திடுமே
உன்னதா உம்மோடென்னை இணைத்திடுமே
வசனத்தில் நிலைத்திடச் செய்திடுமே
உன்னதா உம்மோடென்னை இணைத்திடுமே

4
விருதினைப் பெற்றுக்கொள்ள உதவிடுமே
விருதாவாய் ஓடிடாமல் காத்திடுமே

பின்னானவைகளை நான் மறந்திடுவேன்
உம்மை நான் அடைந்திட தொடர்ந்திடுவேன்
பின்னானவைகளை நான் மறந்திடுவேன்
உம்மை நான் அடைந்திட தொடர்ந்திடுவேன்

5
என்று நீர் வருவீரோ என் இயேசுவே
ஏங்குதென் உள்ளம் உம்மோடிணைந்திடவே

நேசத்தின் அனல் என்னில் எரிந்திடுதே
நேசரை என்றென்றுமாய் மணந்திடவே
நேசத்தின் அனல் என்னில் எரிந்திடுதே
நேசரை என்றென்றுமாய் மணந்திடவே