நல் மீட்பரே உம்மேலே / Nal Meetpare Ummele
1
நல் மீட்பரே உம்மேலே
என் பாவம் வைக்கிறேன்
அன்புள்ள கையினாலே
என் பாரம் நீக்குமேன்
நல் மீட்பரே உம்மேலே
என் குற்றம் வைக்க நீர்
உம் தூய ரத்தத்தாலே
விமோசனம் செய்வீர்
2
நல் மீட்பரே உம்மேலே
என் துக்கம் வைக்கிறேன்
இப்போதிம்மானுவேலே
எப்பாடும் நீக்குமேன்
நல் மீட்பரே உம்மேலே
என் தீனம் வைக்க நீர்
உம் ஞானம் செல்வத்தாலே
பூரணமாக்குவீர்
3
நல் மீட்பரே உம்பேரில்
என் ஆத்மா சார நீர்
சேர்த்து உம் திவ்விய மார்பில்
சோர்பெல்லாம் நீக்குவீர்
நேசா! இம்மானுவேலே!
இயேசென்னும் நாமமும்
உகந்த தைலம்போலே
சுகந்தம் வீசிடும்
4
நல் மீட்பரே பாங்காக
அன்போடு சாந்தமும்
நீர் தந்தும் சாயலாக
சீராக்கி மாற்றிடும்
நல் மீட்பரே உம்மோடு
பின் விண்ணில் வாழுவேன்
நீடூழி தூதர் பாட
பாடின்றிப் பூரிப்பேன்