நீர் உத்தம சிநேகிதர் / Neer Uththama Snegidhar / Neer Uthama Snegidhar / Neer Uththama Snegithar / Neer Uthama Snegithar
1
நீர் உத்தம சிநேகிதர்
என் நெஞ்சும்மேலே சாயும்
நீர் உத்தம சகோதரர்
நீர் என்னைப் பார்க்கும் தாயும்
நீர் நோயில் பரிகாரியே
உம்மாலே ஆறிப்போகுமே
என் காயமும் விடாயும்
2
படையில் நீர் சேனாபதி
வில் கேடகம் சீராவும்
கரும் கடலில் நீர் வழி
காண்பிக்கும் சமுக்காவும்
எழும்பும் கொந்தளிப்பிலே
நீர் என் நங்கூரம் இயேசுவே
நான் ஒதுங்கும் குடாவும்
3
நீர் ராவில் என் நட்த்திரம்
இருளில் என் தீவர்த்தி
குறைவில் நீர் என் பொக்கிஷம்
தாழ்விலே என் உயர்ச்சி
கசப்பிலே என் மதுரம்
நான் தொய்ந்தால் மீண்டும் என் மனம்
பலக்க நீர் என் சக்தி
4
நீர் ஜீவனில் விருட்சமும்
நீர் செல்வங்கள் பொழியும்
பூங்காவனமும் என்றைக்கும்
சுகம் தரும் கனியும்
முள்ளுள்ள பள்ளத்தாக்கிலே
என் ஆவிக்கு நீர் இயேசுவே
குளிர்ந்த பூஞ்செடியும்
5
நீர் துக்கத்தில் என் ஆறுதல்
நீர் வாழ்வில் என் களிப்பு
நீர் வேலையில் என் அலுவல்
பகலில் என் சிந்திப்பு
நீர் ராவில் அடைக்கலம்
நீர் தூக்கத்தில் என் சொப்பனம்
விழிப்பில் என் குறிப்பு
6
ஆ ஒப்பில்லாத அழக
நான் எத்தனை சொன்னாலும்
என் நாவினாலே கூடாதே
நான் என்ன வாஞ்சித்தாலும்
அதெல்லாம் நீரே இயேசுவே
ஆ தயவுள்ள நேசரே
நீர் என்றும் என்னை ஆளும்