எல்லாம் இயேசுவே / Ellam Eyesuve / Ellam Yesuve
எல்லாம் இயேசுவே எனக்கெல்லா மேசுவே
தொல்லைமிகு மிவ்வுலகில் தோழர் யேசுவே
1
ஆயனும் சகாயனும் நேயனும் உபாயனும்
நாயனும் எனக்கன்பான ஞானமண வாளனும்
எல்லாம் இயேசுவே எனக்கெல்லா மேசுவே
2
தந்தை தாய் இனம்ஜனம் பந்துளோர் சிநேகிதர்
சந்தோட சகலயோக சம்பூரண பாக்யமும்
எல்லாம் இயேசுவே எனக்கெல்லா மேசுவே
3
கவலையில் ஆறுதலும் கங்குலிலென் ஜோதியும்
கஷ்டநோய்ப் படுக்கையிலே கைகண்ட அவிழ்தமும்
எல்லாம் இயேசுவே எனக்கெல்லா மேசுவே
4
போதகப் பிதாவுமென் போக்கினில் வரத்தினில்
ஆதரவு செய்திடுங் கூட்டாளிமென் தோழனும்
எல்லாம் இயேசுவே எனக்கெல்லா மேசுவே
5
அணியும் ஆபரணமும் ஆஸ்தியும் சம்பாத்யமும்
பிணையாளியும் மீட்பருமென் பிரிய மத்தியஸ்தனும்
எல்லாம் இயேசுவே எனக்கெல்லா மேசுவே
6
ஆன ஜீவ அப்பமும் ஆவலுமென் காவலும்
ஞானகீதமும் சதுரும் நாட்டமும் கொண்டாட்டமும்
எல்லாம் இயேசுவே எனக்கெல்லா மேசுவே